କୋରାପୁଟ: କୋରାପୁଟ ଜିଲ୍ଲାର ବୈପାରୀଗୁଡ଼ା ଥାନା ଅନ୍ତର୍ଗତ ସୀମାନ୍ତ ଜଙ୍ଗଲ ଅଞ୍ଚଳରେ ଡିଷ୍ଟ୍ରିକ୍ଟ ଭଲ୍ୟୁଣ୍ଟିୟର ଫୋର୍ସ (ଡିଭିଏଫ୍) ଯବାନମାନେ ବଡ଼ ସଫଳତା ହାସଲ କରିଛନ୍ତି। ଚଢ଼ାଉ ସମୟରେ ମାଟି ତଳେ ଲୁଚାଇ ରଖାଯାଇଥିବା ବିପୁଳ ପରିମାଣର ମାଓ ସାମଗ୍ରୀ, ଅସ୍ତ୍ରଶସ୍ତ୍ର ଓ ବିସ୍ଫୋରକ ସାମଗ୍ରୀ ଉଦ୍ଧାର କରାଯାଇଛି।
ସୂଚନା ଅନୁଯାୟୀ, ବୈପାରୀଗୁଡ଼ା ଥାନା ଅଧୀନ ବାଦୁଡିପାହାଡ଼ ଜଙ୍ଗଲରେ ଗୁପ୍ତ ସୂଚନା ଆଧାରରେ ଡିଭିଏଫ୍ ଯବାନମାନେ ପାହାନ୍ତିଆ ସମୟରେ ସର୍ଚ୍ଚ ଅପରେସନ୍ ଚାଲାଇଥିଲେ। ଅଭିଯାନ ବେଳେ ମାଟି ତଳେ ପୋତି ରଖାଯାଇଥିବା ଏହି ସାମଗ୍ରୀ ଠାବ ହୋଇଥିଲା।
ଉଦ୍ଧାର ସାମଗ୍ରୀ ମଧ୍ୟରେ ରହିଛି—
- ଗୋଟିଏ ଇନସାସ ରାଇଫଲ
- ଛଅଟି ଦେଶୀ ବନ୍ଧୁକ
- ସାତଟି ଟିଫିନ୍ ବୋମା
- ଗୋଟିଏ ମାଓ କ୍ଲେମର୍ ମାଇନ୍ (ପ୍ରାୟ ୧୮ କିଲୋଗ୍ରାମ୍)
- ମାଓ ସାହିତ୍ୟ ଓ ପୁସ୍ତକ
- ଔଷଧ ଓ ଖାଦ୍ୟ ସାମଗ୍ରୀ
ପ୍ରାଥମିକ ତଦନ୍ତରୁ ଏହି ସାମଗ୍ରୀ ମାଓବାଦୀମାନଙ୍କ ଦ୍ୱାରା ଭବିଷ୍ୟତ କାର୍ଯ୍ୟକଳାପ ପାଇଁ ଲୁଚାଇ ରଖାଯାଇଥିବା ସନ୍ଦେହ କରାଯାଉଛି।
କୋରାପୁଟ ଜିଲ୍ଲା ଆରକ୍ଷୀ ଅଧୀକ୍ଷକ ରୋହିତ ବର୍ମା ପ୍ରେସମିଟ୍ରେ ସୂଚନା ଦେଇ କହିଛନ୍ତି ଯେ, ଅଞ୍ଚଳରେ ସୁରକ୍ଷା ଅଭିଯାନ ଜାରି ରହିଛି ଏବଂ ମାଓବାଦୀଙ୍କ ଚଳଚଳ ଉପରେ କଡ଼ା ନଜର ରଖାଯାଇଛି।